广州电视台花城频道，简称广州花城频道，又叫花城政务频道，系广州电视台属下停播咗嘅免费频道，2016年11月28号开播，2017年8月7号停播。期间曾经以除咗重播嘅《新闻日日睇》同《最街拍档》（而家嘅《今日报道之最街拍档》）两档节目系粤语之外，其他节目都系普通话嘅语言形式做广播。呢个频道净限广州地区播出。

频道播出时间同朝鲜中央电视台嘅手法差唔多，但喺每日深夜到第二日近挨晚时段冇节目。

2017年8月6号23:55，频道播完当日最后一个节目——《看在花城》之后踏入测色版，6个钟头之后台标同“测试”字样亦消失，随后8月7号挨晚，频道亦变成黑屏画面。具体原因未知，不过有消息话可能收视率太低或频道未经审批嘅料而停播。虽然同年8月31号，呢个频道嘅节目表有新节目出现，但频道一直未恢复播出。据估计，频道冚唪唥嘅节目都搬嗮去移动频道播出。

2017年9月17号，花城频道嘅公众号正式改名做“花城咖”。